Die NG gemeente Vanderbijlpark-Suid is 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal).
Die gemeente is een van sewe gemeentes wat die naam van die dorp Vanderbijlpark dra (en volgens lidmaattal die grootste in 2013), en is gestig in 1966. Die kerkgebou is geleë op die hoek van Schumann- en Verdistraat. In 2013 was die leraars di. G.J. Coetzee en T. Mostert. Daar was in daardie jaar 471 doop- en 1 828 belydende lidmate.